Pamantalaan

Mindoro In The Balance/Ang Pagpanimbang sa Mindoro Kini nga mapa nagpakita sa mga hagit nga giatubang sa Mindoro. Gipakita niini unsa ang gihimo sa mga Mangyan, NGOs ug GOs bahin sa pagdumala sa ilang kapanguhaan ug unsa ang ilang kalihukan alang sa pagpanalipud sa kinaiyahan. Kini usab nagtimbang-timbang sa paningkamot sa isla alang sa pagkab-ot sa balanse ug malahutayong paggamit sa ilang mga kapanguhaan.

Philippine Culture and Ecosyste/Ang mga Kultura ug Kinaiyahan sa Pilipinas Kini nga mapa nagpamatuod sa kahilambigitan ug kahinungdan sa mga katilingban sa tribu diha sa pagdumala sa kapanguhaan pinaagi sa pagpakita nga ang mga lasang ug kultura nahimutang sa usa lamang ka dapit. Ang teksto nga nagpasabut sa mapa makita sa luyo niini.

Resource Conflict and Cultural Management/Pagdumala sa Panagbangi bahin sa Kapanguhaan ug Kultura Kini usa ka mapa nga nagtinguha nga makapagawas ug panaghisgut tali sa mga naggamit sa kapanguhaan sulod sa tubig-saluran, lokal nga pangagamhanan, ug tigpamanday sa balaud alang sa pagpalambo ug usa ka pagdumala sa tubig-saluran pinasikad sa katilingban. Kini nagpakita sa kahimtang sa tubig-saluran sa Dupinga diha sa Habagatang bahin sa Sierra Madre, ang ilang kasamtangang pamaagi, ug ang mga butang nga nakatabang sa pagpalig-on o nakapahuyang niini.

Forest People Facing Change/Katawhan sa Lasang nga Nag-atubang sa Kabag-uhan Kini nga pamantalaan o monograph nagsugilon bahin sa mga kasinatian sa Philippine Working Group (PWG), ang ilang mga pamaagi, ug ang ilang mga natun-an kabahin sa pagdumala sa katilingbanong lasang gikan sa ilang mga pagbisita ug pakighinabi uban sa mga katilingban sa tibuok nasud. Nagpaambit kini ug mga pamalandong gikan sa nagkadaiyang dapit nga giduaw, pakighinabi uban ang mga may kalabutan sa hisgutanan, ug panagtigum mahitungod sa polisiya.

Mining Revisited: Can An Understanding of Perspectives Help?/Pagbalik-lantaw sa Mina: Makatabang ba ang Pagsabot sa mga Panglantaw Kini nagtinguha sa pagtabang sa mga tawo nga masabtan ang pag-uswag subay sa kasaysayan ug mga kabag-uhan sa pagmina ug sa ekonomiya, lakip na ang mga pagbati sa kapakyasan sa mga apektado nga katilingban. Nagsulay usab kini sa pagpalig-on sa atong kahilambigitan ug katungdanan ngadto sa katilingban ug sa maalamon nga pagtubag sa ilang mga kabalaka ug mga dangatan sa ilang pagpili.

Community Mapping Manual/Talamdan sa Pagmapa sa Katilingban Kining talamdan o manual aron pagpaambit sa kahanas nga giandam alang sa mga kawani sa DENR ug NGOs nagsunod sa programa sa Pagdumala sa Lasang Pinasikad sa Katilingban (CBFM) ug nagpadayag sa panglantaw nga ang malahutayong kalambuan dili mahitabo kung walay mga malahutayong katilingban. Nagtinguha usab kini sa pagtabang sa mga katilingban sa pagtala sa ilang yuta ug pagdumala sa ilang kapanguhaan.

Mining and Critical Ecosystems: Mapping the Risks (2003)/Pagmina ug Namiligro nga Kinaiyahan: Pagmapa sa mga Kakuyaw (2003) Kini nagmantala sa mga paningkamot aron paghimo ug mga pasiunang timailhan alang sa pag-ila ug pagtimbang sa mga hulga sa kinaiyahan ug katilingban sa mga dapit nga mahimong sudlan sa pagmina. Nagtinguha kini sa paghatag ug pamaagi sa pagpalambo sa usa ka sukdanan alang sa pagmina nga nag-amping sa kinaiyahan, o pagsuta sa mga dapit nga dili angayan sa pagmina.

Iduot kini alang sa mga pangutana bahin sa mga Pamantalaan


(balik sa kinaibabawan)