Sa Asya, dili mahimong hisgutan ang kinaiyahan kung dili usab hisgutan ang kultura. Mao kini ang kinauyukan sa hisgutanan nga buot namo ipaambit uban sa mga katilingbang nagkinaraan sa Asya ug Europa.

Ang CEIE usa ka online nga pakighinabi aron adunay pagbinayluay sinundan ang teknolohiya nga elektronik. Nagpunting kini pagtubag sa mga realidad sa mga katilingban nga naningkamot sa pagdumala sa ilang mga kapanguhaan sulod sa mga panghulhog nga dala sa pagbag-o sa ilang kultura.

Ang mga sanga sa siyensa nga nagtuon kabahin sa kinaiyahan ug katilingban nagpalig-on, nagpatin-aw ug nagpaambit sa unsay daan na nga nahibaloan sa mga tawo: ang kahilambigitan sa mga tawo sa usa’g usa, sa ilang pamaagi sa pagkinabuhi, ug sa hulagway sa ilang palibot.

Ang katungdanan sa pagdumala sa mga kapanguhaan napasa ngadto sa mga kaliwatan pinaagi sa kultura apan kini mahimong mahuyang o mabungkag tungod sa pagpanghulhog gikan sa gawas. Ang hagit mao ang pagkaplag ug mga bag-ong pamaagi diin ang mga katilingbang nagkinaraan lig-on nga makabalik pagbarog sa ilang katungdanan ug pagbaton sa ilang kaugalingon. Isip usa ka pagbinayluay nga naglangkub sa tibuok kalibutan, ang CEIE usa ka paagi sa pagharong niining maong hagit, mga hagit nga adunay tinuud nga dangatan alang sa pagsabot sa kabag-uhan nga usab nagbunga ug mga kasabutan.

 

Iduot kini alang sa Mapa

Gamita ang 1024 x 768 nga resolusyon aron makuha ang pinakatin-aw nga hulagway

Ceie is a consortium initiative of
University of Stirling
Gruppo Conedis
Environmental Science for Social Change