Aron masabtan ang nagkinaraang mga katilingban sa Europa, nakighinabi kami sa mga tawo sa dapit, ang mga nagpuyo ug nagtikad sa yuta – aron mapatumaw ang mga sugilanon likod sa ilang kahimtang ug aron masabtan ang mga tawo sulod sa ilang dapit.
Adunay mga dili kaayo binalay nga pakighinabi uban sa mga naggamit sa mga kapanguhaan sama sa bakero, nagtanum ug mani, naghimo ug bino, nanguha ug uhong ug trabahante sa uma lakip na ang mga tawo nga nakaila sa dapit.
Usa ka mahinungdanong tawo nga nakahibalo bahin sa Alta Langa mao si Francesco Biscia, lokal nga pangulo sa Pezzolo Valle Uzzone. Usa siya ka tawo nga adunay panglantaw ug nagpakabana alang sa iyang dapit ug sa mga tawo nga nagpuyo sulod niini. Siya ang nagpasiugda sa daghang kalihukan alang sa tanan sama sa Bio Langa ug ang kahugpungan alang sa patubig.
Pezzolo Valle Uzzone. Usa siya ka tawo nga adunay panglantaw ug nagpakabana alang sa iyang dapit ug sa mga tawo nga nagpuyo sulod niini. Siya ang nagpasiugda sa daghang kalihukan alang sa tanan sama sa Bio Langa ug ang kahugpungan alang sa patubig.
Daghan sa mga pakighinabi nasumpay ngadto sa yuta pinaagi sa mapa. Wala kami makakuha ug mapa nga digital sa igong panahon aron mabutang kini sa Map Server sama sa among gihimo sa datos sa Cornwall ug Pilipinas. Apan ang mosunod nga mapa nagpakita kung giunsa pagkahilambigit sa tawo ngadto sa ilang dapit pinaagi sa mga sugilanon, kasaysayan, paghatag ug panahon sa paglihok sa palibot, pagpuyo sulod sa kultura aron makabaton ug pagbati sa dapit, pagbati sa kaugalingon nga kultura.
Ang usa ka Langetti usa ka tawo nga adunay kaugalingnan, nagsalig sa kaugalingon ug hilom nga nakigabi-abi. Tungod sa pagbiya sa yuta sa daghang mga kabatan-onan niadtong miaging panahon, ang paningkamot karon mao ang pagtuon sa dungan nga paglihok kauban sa katilingban ug ang pagsalig sa usa’g usa sa gagmay nga katilingban nga maoy nabilin aron pagtikad sa yuta.
|
