“ Cooperation doesn’t come naturally to the Langhetti, so we are training young women who are more disposed to it .”

Adunay mga bag-ong hulagway sa pagtinabangay ang gipatuman sa dapit tungod ang kakulangon sa mga lumulupyo nagpasabot nga ang karaang pamaagi sa pagtinabangay uban sa kasilinganan dili na malampuson – kay lagyo na ang mga kasilinganan.

Ang pipila sa mga bag-ong kahugpungan mao:
      • Kahugpungan subay sa dalan
      • Kahugpungan sa Patubig
      • Kooperatiba sa Kinaiyanhong Pagpanguma
Nagplano usab sila nga magtukod ug Pundok alang sa Katilingbanong Lasang sa umaabot.

Adunay duha ka hut-ong sa kahugpungan. Ang una, tali sa mga mag-uuma nga may kalabutan sa pagpangapud-apod sa tubig ug pagpatuman sa mga proyekto. Ang ikaduha, usa ka Katiguman niining mga lokal nga kahugpungan naghimo ug mga proyekto ug nangayo ug pondo gikan sa Rehiyonal nga Pangagamhanan ug sa EU.

Ang mga mag-uuma sa dapit naghugpong sa ilang kaugalingon aron makahimo ug maayong pamaagi sa paggamit sa nahibiling mga kapanguhaan sa tubig. Ang organisasyon nga Pezzolo Valle Uzzone Land Improvement and Conservation natukod pipila ka tuig ang milabay diin ang tubig dili pa dako nga problema sama karon. Ang Sapa sa Uzzone tinuig nga mag-agas apan padayon kini pag-agas ilalom sa yuta. Aron mapuslanon ang paggamit sa tubig, kinahanglan kini suyupon ug tigumon ngadto sa usa ka tangki aron iapud-apod ngadto sa mga nagkinahanglan niini. Sa karon, ang tangki sa tubig nahimutang sa ubos kaayo nga dapit busa ang tubig dili maapod ngadto sa daghang mag-uuma nga naa sa kinaubsang bahin sa dapit.

Ang ubang kahugpungan sa Katiguman (didto sa Castino ug Brucetto) buot pulihan ang geo-textile lining sa tangki nga naghupot sa tubig ug usab padakuan kini. Ang mga mangangaso, ang klima, ug ang tigbantay sa katilingban nakadaut sa mga lining.