Tanglas nga mga Bino

Ang bino nga Barolo ug Barbaresco gihimo gikan sa klasi sa ubas nga gitawag ug Nebbiolo diin kini nga ngalan nagsulti bahin sa panahon sa autumn nga nagbanig sa mga kabungturan sa kahayag o “nebbia” (gabon) sa panahon sa tingsanggi. Ang bino nga Asti gikan sa Moscato nga klasi sa ubas.

Mga Kasaulogan sa Bino – Vinum, ang pista sa bino sa panahon sa pagbukhad o spring gisaulog sa katapusang semana sa Abril hangtud sa unang semana sa Mayo

Pipila na lamang ka tawo nga nagpabilin sa Langa ang makasulti sa pinulungang Piedmont. Ang uban magsulti ug Italyano apan kusog ang tono sa maong dapit busa ang ilang pagsulti sama sa bagulbol sa nag-agas nga sapa.

Ang mga natawo sa Langhe gitawag nga Langetti. Ang Langhe adunay Taas ug Ubos nga bahin (Alta Langa ug Bassa Langa). Ang Langa delle Valli nahimutang sa usa ka bahin sa Alta Langa.

Ang Alta Langa gibantug nga taguanan sa mga partisan nga nakigbatok sa mga pasista, ug ang bantugan nga manunulat sa Langhe, si Beppe Fenoglio nagsubay sa iyang bantugan nga sugilanon, ang Partisan Johnny, sa iyang mga kasinatian isip sundalo nga nagpuyo sa kabukiran niining dapita.

"Maabtikon kaming nakigbatok tungod kay dali alang kanamo ang maghugpong ug magtago dinhi sa kabukiran. Ang tanan nga mga langyaw adunay dautan nga binuhatan sa panahon sa gubat, ang mga taga Alemanya nangawat ug nanglugos sa atong kababainhan, ang mga Partisan sama lang gihapon ug ang mga Republicans usab.”

Si Plinius nag-ingon nga kini “milagro sa kinaiyahan”, “bahandi sa “mutya sa yuta’.
Si Goivenales nagtawag niini nga “anak sa kilat”.
Ang truffles o uhong gitaho nga makapainit sa lawas ug gihalad alang kang Aphrodite, ang diyosa sa gugma.

Ang “Trifule”, sumala sa gibantug nga karaang sugilanon, nagtubo isip timaan sa mga dalan sa mga engkanto ug duwende, samtang ang ilang talagsaung porma gikan sa pitik sa kasing-kasing sa mga tanum nga duol na mokatulog.

"al baticheur ëd le piante che a stan për andurmisse"

Ang trifule (sa pinulungang Piedmont) o tarfuri (pinulungang Italyano) kabahin sa tinuig nga amot sa katilingban sa kasaulogan sa paghatag ug pasidungog sa mga tag-iya sa mga dagkong yuta.

Usa ka karaan nga tigpangita ug uhong gitudluan sa iyang amahan ug iya usab gitudluan ang iyang anak

"Naglakaw sila karon paingon sa kinatas-ang Specola didto sa ibabaw sa bukid nga dayag sa hingpit, gamay ug naghubo.” Benolo Fenoglio Dalan sa mga Lumalangyaw nga Deboto Daghan sa mga bungtod adunay mga Simbahan, kapilya ug mga balaang dapit. Kini nahimong timailhan sa agianan sa mga lumalangyaw nga deboto nga nagbaklay gikan sa Alba paingon sa Liguria ngadto sa Pransya ug unya sulod sa Santiago Compestella sa Amihanang bahin sa Espanya. Adlaw sa Santos Sama sa daghang mga nasud nga katoliko, ang mga lumulupyo nagsaulog sa pista sa ilang patron nga Santos

Ang tigpangita ug mga uhong gitawag nga Trifulau, nahibalo kanus-a motubo ang mga uhong, nahibalo sila sa mga kahoy ug yuta nga nagbuhi niini, nahibalo sila unsaon pag-aghat sa “tabul” (iro nga tigpangita sa uhong) aron mangita sa uhong ug unsaon pagpahalipay sa mga iro. Sila nahibalo nga ang usa ka maayo nga truffle o uhong dili matukib sa kabililhon.

Ang pagpangita gihimo sa gabii diin kalmado ang mga iro. Adunay mga karaang sugilanon nga naghisgut ug mga karaang kalendaryo diin gitala sa trifulau ang mga dapit, ug mga adlaw sa pagtubo sa uhong. Ang mga himan nga gamiton mao lamang ang piko ug ang iro mapaluibon nga gitudluan mismo sa trifulau.

Ang mga kurso sa pagtudlo sa mga iro magsugod pagkahuman sa panahon sa tingtugnaw, ug magpadayon kini sulod sa mga duha ka bulan. Ang mga iro nakatuon nga ang tag-iya maoy maghipos sa truffles (usa ka klasi sa uhong) ug kini gipahalipayan pinaagi sa ihatag nga pagkaon sa iro kung sila makakuha.

Ang hazelnut gitawag usab nga Malumoy nga Lingin nga Hazelnut sa Langhe (klasi sa Corylius Avellana) ug kini adunay talagsaun nga kalami ug dali panitan ug tipigan. Sa Disyembri 1993, ang pangagamhanan sa Italya naghimo ug tinakdang ngalan sa klasi niini, Nocciola Piemonte I.G.P. “tonda gentile delle Langhe” aron mapanalipdan ang klasi sa tanum nga naa sa maong dapit. Ang kahoy sa hazelnut gitikad sa mga kabukiran nga may gitas-on nga gikan sa 250 ngadto sa 700 ka metros, mga dapit diin kasagaran dili maayo alang sa parasan. Ang Nasudnong Tabo sa Puti nga Truffle mahitabo sa bulan sa Oktubri; ang panahon sa pagpangaso magsugod sa bulan sa Siptymebri ngadto sa Disyembri. Ang tabo sa Hazelnut gihimo sa Cortemilia sa katapusang duha ka semana sa bulan sa Agosto. Ang tabo Murazzunano DOP nga keso nahitabo usab sa susamang panahona. Milagrosa nga Hazelnut   Ang kasagbutan gituohan nga puluy-anan sa mga engkanto ug balbal. Ang maayo nga sanggi timailhan sa pagkamabungahon alang sa pamilya. Ang kahoy sa hazel gigamit usab sa karaan nga pagpanambal. Ang gihimo nga simbolo sa dios nga si Esculapio ug gigamit sa mga parmasista karon, usa ka klasi sa kahoy nga hazel nga adunay duha ka halas nga nakaligkos sa punuan niini. Ang iyang panit, adunay daghang tannin nga may kalidad nga makapaayo ug gigamit kini sa mga sagol ug haklop alang sa barikos o varicose veins. Ang mga uga nga bulak ug dahon makatabang sa pagpagawas ug hugaw sa tawo ug paghinlo sa kaugatan ug panit. Ang gidugmok nga prutas gigamit alang sa pag-andam ug mga ilimnon nga makapakusog sa lawas batok sa sakit sa baga nga bronchitis, ug gigamit usab isip mga haplas alang sa pagpanindot sa panit niadtong 1800s. Ang mga upaw nga lalaki nagbutang sa lana gikan sa hazelnut ug ang lana usab kung imnon makapawala sa mga bitok (usa ka kutsara matag bunta sa dili pa mokaon) Gikan sa kahoy, ang mga mag-uuma naghimo ug uling nga kung isagol uban sa asupre ug salitre, makahimo ug pulbura. Mga Pagkaon sa Dapit subay sa Tradisyon Mamon ginama sa Hazelnut. Ang hazelnut gipikas-pikas, gisagol sa dugos ug unya gihudno – bino ang ilimnon uban niini Mamon ginama sa Mais-Polenta. Kini karaan nga mamon nga ginama sa gidugmok nga dalag nga mais nga gihudno gamit ang kahoy sa pagluto. Angolotti del Plien. Kini karaan nga sud-an nga ginama sa gigaling nga karne ug panakot nga giputos sa pilit aron mahulma sama sa bulsa. Truffle. Subay sa batasan, ang truffle o uhong gitadtad ug gibudbod ibabaw sa pasta, itlog o karni. Murazzonano DOP Cheese. Kining lokal nga keso ginama gikan sa gatas sa mga babayeng karniro. Adunay 20 ka mga gamay nga umahan nga naghimo niini isip panag-iya ug negosyo sa pamilya.

(balik sa kinaibabawan)