Ang kahulugan sa kultura gilikayan sa pagtakda tungod kay kini adunay nagkadaiyang kahulugan sa lain-laing mga tawo.

Ang mga timaan sa kulturanhong pagkatawo sama sa pinulungan, bandera, sayaw, pagkaon, arte/disenyo, ug naandang batasan maoy kasarangang gipakuhulugan nga kultura ug mao kini ang gitipon namo isip kulturanhong kabilin.

Kini ang kasagaran nga mahatag ngadto sa sunod nga kaliwat, apan sumala sa inyong makita, kini usa lamang ka gamay nga bahin sa tibuok tinguha sa buot ipaambit sa proyekto.

Among buot ipakita niining pagtuon kung giunsa nga nahilambigit ang kultura ngadto sa kinaiyahan.

Usa lamang kini ka panlantaw apan mao kini ang adunay lalom nga kahilambigitan sa daghang mga kulturanhong katilingban.

Kini nga bayanan nakatabang pagtino sa mga hiniusang elemento nga nagkutay sa nagkadaiyang nagkinaraang katilingban nga nag-atubang sa lain-laing mga kahimtang.

Ang pagkawala sa katapusang tawo nga mahibalo magsulti sa pinulungang Cornish niadtong tuig sa 1700’s wala makababag sa paglutaw ug balik sa pinulungang Cornish. Kini gikutlo gikan sa pinulungang Celtic sama sa Breton, Welsh, ug Irish sa unang bahin niining gatusan ka tuig, panahon sa pagbalik sa Celtic. Kabahin kini sa padayon nga paghulma sa kulturanhong pag-ila sa pagka-Cornish diin gimugna bisan gani ang usa ka tartan nga Cornish. Ang pagdawat niini mora ug nagsubay sa kaliwat, ang mga batan-on mas duol ang pagbati sa ilang Celtic nga kagikan tungod sa paghuyang sa minahan ug Metodismo. Ang usa ka pag-ila sa kaugalingon nga nahilambigit sa minahan usa ka kasinatian nga buhi alang sa mga karaan nga mga kaliwat.

“A mi a moaz, a mi a moaz, a mi a moaz in Goon Gaze Mi a clouaz, a clouaz a troz, a troz a troz an pysgaz miniz Bez mi a trouviaz un pysg brawze naw losia Olla boble in porthia ha Marazjowan ne mi or dho gan zingy" "Sa dihang ako mipaubos, Nadunggan ko ang tingog sa pundok sa mga gagmay’ng isda nga nagpakita Ug nakaplagan ko ang usa ka talagsaung isda nga adunay siyam ka ikog Tanang tawo sa St. Ives ug Mazarion dili makapugong niini"

Kini nga bahin nagpadayag sa lain-lain nga mga gisulti sa katawhan sa St. Agnes mahitungod sa ilang pagsabot sa kulturanhong pag-ila sa kaugalingon ug ang kahinungdan niini – kini nga pag-ila ug paghupot sa kaugalingon mahinungdanong elemento sama na sa atong nakita isip timailhan sa kusog nga kulturanhong pag-ila sa kaugalingon

Adunay baruganan nga bisan kinsa mahimong Cornish kung siya mohangup sa unsa ang pagka-Cornish Mao na nga ang taga-gawas mahimong mas duol sa pagka-Cornish kung kahibalo sila sa kasaysayan, kultura ug pinulungan kung itandi sa usa ka tawo nga dinhi natawo. Kini adunay kamatuoran. Nganong tungod lamang sa imong pagkahimugso dinhi mahimo ka na nga Cornish? Daghan sa mga nangatawo dinhi nagduha-duha sa ilang pagdawat sa pagka “Cornish”, wala silay gana niini ug nabuhi lamang ilang pagbati sa dihang adunay mga taga-gawas nga buot ipakita ang kalainan nila. Busa kinsa karon kanila ang labing Cornish?

Ang Cornwall adunay kusog nga pag-ila sa kaugalingon, kusog nga pagbati sa ilang dapit; aduna pa gani kini kaugalingong sanga sa pinulungang Celtic.

Kanunay kami nga gipalayo sa kalihukan sa kinadakuang katilingban sa nasud ug kini nakadugang sa paningkamot pag-umol kung kinsa kami. Dako usab among garbo sa kabilin namo nga teknolohiya. Ang Cornwall nanguna niadto sa industriyalisasyon, siya ang una nakatuon unsaon paggamit sa inalisngaw nga kainit diha sa mga minahan.

Ang kasaysayan sa Metodismo nakadugang sa pagkinaugalingon. Ang Metodismo adunay kusog nga gigikanan sa mga pagkatrabahante ug ang Cornwall usa ka dapit diin ang mga lumulpyo mga trabahante.

Ang gigikanan nga ispiritu sa pagkatrabahante ug ang pagkalayo sa kauluhan nagpatindog sa sosyalismo nga adunay kaugalingnan nga makita sa among pulitika nga usab nagpakusog sa pagbati alang sa kaangayan nga buhi dinhi karon.

Daghang taga-gawas ang naghangup sa pagka-Cornish ug kini maayo, apan mahimo nga masobrahan sila sa ilang pagkinabuhi niini, gitawag kini sa Cornish nga “medyo una ra kayo” nga morag ang ilang pagpanglimbasog sa pagpuyo subay sa batasan ug tradisyon nasobrahan nga lahi na kini sa unsa ang tiunay nga mga batasan ug tradisyon ug ila na hinoong mabag-o ang maong mga batasan ug tradisyon.

Sama pananglitan sa Higante nga Bolster, kini dili dako nga bahin sa kinabuhi sa katilingban, apan karon ang mga pagsaulog sa Adlaw sa Mayo nga sa kanhi mahitungod lamang sa pagpasiga sa suga sa St. Agnes, karon ang Higanteng Bolster ang nahimong labing mahinungadanon. Naglakaw siya palibot sa katilingban inubanan sa mga tambol.

Wala kini mahitabo kaniadto ug bag-o kini nga gipasiugdahan sa mga taga-gawas; usahay lain lang bation.