Datu

Ang sistema sa datu sa tribu mao ang nagpatigbabaw nga pamaagi sa paghimo ug desisyon alang sa katilingban. Ang barangay sa San Vicente gigamhan sa sa usa ka Konsiho sa mga Katigulangan nga nagsakup sa tanang mga datu sa matag katilingbang nagkinaraan sa San Vicente. Ang Konsiho gipanguluhan sa labing labaw nga Pangulo. Ang mga datu sa ubang katilingban maoy mga sakup. Ang usa ka sityo mahimong adunay daghan datu tungod kini nagsubay sa kultural nga pag-angkon sa mga dapit. Ang San Vicente adunay 10 ka mga datu nga mao ang Konsiho ug nagbarog alang sa 10 ka kulturanhong dapit nga nasakop sa San Vicente. Ang Konsiho gamhanan ug tinahud.

Konsiho sa Barangay

Bisan tuod ang barangay mao ang gitakda nga katukuran sa pangagamhanan, kini ubos ug gahum sa mga gihimo nga desisyon sulod sa katilingban. Ang pangulo sa barangay wala magpuyo sa maong dapit ug wala na sukad makaduaw.

Ang mga Konsehal sa Barangay nagdumala sa mga kalihukan sa lokal nga pangagamhanan apan kung adunay panginahanglan sa desisyon kabahin sa panalapi, nagkinahanglan sila sa pagtugot sa Pangulo sa Barangay. Apan ang kasagaran mahitabo mao nga iyang baliktaron ang desisyon nga gihimo sa konsiho ug unya maghimo siya sa iyang kaugalingon desisyon nga walay pagkonsulta sa uban. Ang pagpahilayo sa Pangulo sa Barangay gikan sa ilang dapit nagpasabot nga hinay ang pagsulod sa mga batakang serbisyo ug nabati sa katawhan nga gihikawan sila sa mga kalihukan alang sa pagpalambo.

(balik sa kinaibabawan)