Balhin-balhin nga uma, kini ilang tanuman ug mais ug pasagdan nga mobalik sa pagtubo pagkahuman sa usa ka pagsanggi.

Tungod sa kahilit sa karaan nga sentro ang mga magtutudlo dili magpabilin ug dugay aron pagtudlo sa mga kabataan nga naa sa grado nga elementarya busa sugod niadtong tuig 1994 pipila ka mga lumad ang nagbalhin gikan sa pinakasentro sa Barangay San Vicente ngadto sa Sitio Balagnan aron maduol sa hununganan sa sakyanang pangpubliko. Ug dugang pa, dali ra sa mga magtutudlo ang pagbyahe. Si Datu Man-atlawan nga maoy datu sa tribu nangulo pinaagi sa buhat ug una nga nga nagbalhin ngadto sa bag-o nga sityo. Dako usab iyang nahimo aron matukod ang iskwilahan sa katilingban sa tuig 1999.

Sa dihang gitukod ang bag-o nga iskwilahan sa Sitio Balagnan ang katilingban naningkamot nga makapili ug maayo nga dapit. Nagtukod sila sa iskwilahan gikan sa mga gaan nga kahimanan, ila kining gilabat ug gitamnan ug hardin. Nagtukod usab sila ug gamay nga payag aron mapuy-an sa magtutudlo samtang naa siya sa katilingban.

Susama sa daghang mga katilingban sa tribu sa Agusan del Sur, daku ang kaikag sa mga lumad nga tribu sa Sitio Balagnan aron pagmando sa ilang dapit. Tungod sa pagbiya sa mga kompanya sa pagpamutol sa kahoy, ang panahon tukma na aron pagkuha ug Certificate of Ancestral Domain Claim, usa ka paningkamot sa pangagmahan……

(balik sa kinaibabawan)